أبيات مختارة ...

درب

لو من اذا جرو لقا ماهقا فيه
كان العرب كله تسوي سواتي

لعل ورعٍ مامشى درب أهاليه
تشلق عليه جيوبها المحصنات

شعر / سعدون العواجي

===

شقى

كان الشقاء طال الليال المقابيل
فانا انفرى سدي مثل سد مارب

دام الهوى ذاقوه كل الرجاجيل
انا اعتبر من ضمن عصم الشوارب

شعر / عواد الطوالة

===

احسان

الإحسان ياابن عبيد يجزى بالإحسان
والشر تنطحه الوجيه الشريره

ماقل دل وزبده الهرج نيشان
والهرج يكفي صامله عن كثيره

شعر / راكان بن حثلين

===

غبه

احد قليل الفود لو كثر غوصه
واحد من الغبه يجيب فصوص

شعر / ابراهيم بن جعيثن

===

نجوم

مايستوي في البيت نايم وسهران
وتكثر نجوم الليل للي حسبها

شعر / فلاح بن حثلين

===

الميل

يامل عين حاربت سوجت الميل
على عشير بالحشا شب ضوه

شعر / هيا العياد الرشق

===

الضيف

الضيف له قدرٍ على الناس غالي
وصي عليه الله وصي ورسوله

شعر / وليد بندر المطيري

===

واحد

يابنت عيفي واحدٍ ما يصلي
تارك عمود الدين ملك وماله

شعر / بندر بن سرور

===

الخايف

ماينفع الخايف كثير التخفي
واللي قسم للعبد لازم يجي له

شعر / خلف الزيد الأذن

===

رفيق

احسب رفيقي يستحي من ظلاله
واثره إلى شاف المواليم خيال

شعر / محمد بن لعبون

===

المال

ترى المال بالدنيا يسدد به الخلل
يقضي به الحاجة وتوفي نذورها

شعر / محمد بن عبدالرحمن السديري

===

قلب

ياعل قلبٍ مايهوجس ويهتم
يكويه من بين المعاليق حامي

شعر / سلطان المريبض

===

الشر

مخذول صاحب كل نفسٍ شقيه
اللي يريد الشر في كل ميدان

شعر / علي عابد المالكي

===

فعل

الى من رفيقٍ شح علينا بماله
ذكرناه باللي قد مضى من فعايله

شعر / راشد الخلاوي

===

آخر المطاف

اتبع هوى.. من هو يتابع مهاويك
وللي طويله عشرة الحب وياك

مادام قلبه لك على الود.. هاويك
وامصافي.. ما بان لك منه جفواك

شعر / القاضي

ماينفع الخايف كثير التخفي
واللي قسم للعبد لازم يجي له

ابيات مختارة
جميلة تسلم
على الأختيار
وتقبل ودي واحترامي لك

مشكووووووره والله يعطيج الف عافيه ..

الله الله على الابيات الجزله وصح لسانك ولسان شاعرها

تقبل مروري

صح بدنك .. ولاهنت على المرور الرائع ..

و مشكوووووور والله يعطيك الف عافيه ..