هذي سنه مرت ...

ان كان ما تقدر تجيني ولاجيك
فما لها داعي نسمّى حبايب

هذي يديني ضمّها بين اياديك
وانسى معك جور الزمن والمصايب

عطني من ظروفك دقايق وانا اعطيك
سنين عمري كلها لك وهايب

كم لي وانا اتحرى مجيك واراعيك
واقول تحكمه الظروف الصعايب

وطال البعاد.. وطال حتى الرجاء فيك
وما تبت من حبك.. ولا نيب تايب

حبك بقلبي مايجي فيه تشكيك
وغلاك متساوى مع اغلى القرايب

اغليك.. واحبك.. وأعزّك.. وادرايك
وقلبي نقى من الصدا والشوايب

لا مر زولك حرّك القلب تحريك
كن الجديل وبين متنك طلايب

ومبيسمك ولا على البال يطريك
وعيونك واللي كلبوها عجايب

ولا شفت طولك قلت ياطول لبّيك
فديت حدّينك وشقر الذوايب

ولا شفت خصرك قلت ياقل مافيك
ولا شفت ردفك، قلت ياويش جايب

ياحبني لك يابعد عين مغليك
انشهد اني بك مولع وذايب

ياكثر صداتك ولا قلت مابيك
وهذي سنه مرت عن العين غايب

فما قول غير الله يحفظك ويحميك
ويستر عليك من الخطر والنوايب


شعر / علي العايد

حبك بقلبي مايجي فيه تشكيك
وغلاك متساوى مع اغلى القرايب
اغليك.. واحبك.. وأعزّك.. وادرايك
وقلبي نقى من الصدا والشوايب

ابيات رائعة
تسلم على للأختيار
وسلمت أناملك
وتقبل إحترامي لك

مشكووووووره والله يعطيج الف عافيه ..